Spring menu over og gå til indholdVend tilbage til forsidenGå til vores guide for tilgængelighedNæste indlæg: Forrige indlæg:

Nuummi nukappiaqqat suliffeqarfeeraatitaarnissaannik naliginnaanngitsumik periarfissikkit

Mind Your Own Businessimi periarfissat killiliinernit isiginiarnerusarpavut. Nukappiaqqat Nuummeersut suliffeqarfeeqqamik aallartitsillutillu ingerlatsinissaannik ilinniartittarpavut – inuussutissarsiortut venturepilotillu kajumissutsiminnik suleqataasut qanimut suleqatigalugit. Oktoberimi pisariaqartippatsigit!

Giv drenge i Nuuk en unik mulighed for at etablere en mikrovirksomhed

Kalaallit nunaanni Mind Your Businessimi kajumissutsimik suleqataasutut, nukappiaqqat toqqarlugit suleqatiginerini, inuttut suliamullu tunngasutigut toqqaannartumik piginnaasarnik tunniusseqataassaatit.

KINA UJARPARPUT?

Inunnik ilinniagaqarnikkut, ukiumikkut suliffeqarnikkullu assigiinngissitaartunik misilittagaqarlutillu periarfissaqartunik ujaasivugut. Tulliuttut ilisaralugit akuersaarsinnaassagitit takorloorparput:

  • Ilinniagaqarnernit imaluunniit inuussutissarsiornerup iluani piginnaasavit ilaat, naleqquttumut ataqatigiisillugit ingerlateqqinnissai kissaatigaat.
  • Aallarnisaanermik aamma inuttut inooqatigiinnikkullu nutaaliortumik piviusunngortitsisarnerup, nukappiaqqanut inuusuttunut pitsaasumik allanngueqataasinnaanera, periutsitut upperaat.
  • Qanimut suleqataasinnaassuseqarputit, misiginneqatiginnissinnaassusermik nikallujuissutsimillu nukappiaqqanut ersersitsisinnaasoq, piumassutsiminnik suleqataasut allat peqatingalugit suleqatigiinnermut kinguneqarluartussamut ilanngussinnaallutit.
  • Kajumissaarisinnaavutit isummersuisinnaallutillu – aamma artornartorsiorfiusuni, nukappiaqqammi peqatigalugit pingaaruteqartuliorsinnaaneq kissaatigaat.

SUNA NEQEROORUTINGAARPUT?

  • Nukappiaqqanut 13-niit 21-nut ukiulinnut suliffeqarfeeraatitaarusuttunut, inuunerat qanillivillugu pingaarutilittullu siunnersiueqatigisakkatut inissisimanissamik periarfissaqarneq.
  • Piginaatitaaffiliinermut-periutsimut (empowerment-metode) tunngavilersorluangaasumut aamma aallarnisaasarneq pillugu suliaqarnermut ilikkagaqarneq.
  • Suliffeqarfinnik CSR-mik-aallutaqartunik aamma najukkami suleqatigisanik, nukappiaqqanik taakkulu ulluinnarni inuunerannik ilisimaarinnilluartunik, qanimut suleqateqarneq.
  • Venturepilotinik pimoorussisunik allanik, inuutissarsiornermi siunnersortinik siunnersuinermik suliaqartunik siunnersiueqatigisaqarneq aamma Kalaallit Nunaanni Mind Your Own Businessimit siunnersorneqarneq.

QAQUGU AALLARTISSAAGUT?

Nukappiaqqanik suleqateqarneq oktober 2019-mi aallartissaaq. Tassani illit qanimut suleqatigisassatit piumassutsiminnik suliaqartut venturepilotit allat aamma suliffeqarfninniik ikorfartueqataasut naapissavatit, peqatigiillusilu suliassamut naleqqussarneqassaasi. Nukappiaqqat maj 2020-ip tungaanut suleqatissasi, inuttut inooqatigiinnikkullu aaqqissuussinermi ilikkarnerulissavasi.

Pisortatigoortumik suliffeqarfeeqqanik aallartitsinissaq piffissami oktoberimiit novemberimut pissaaq, taava siunnersuisoqarfik VisioBOX Consulting Nuummiittoq suleqatigalugu ingerlanneqalissallutik.

PIFFISSAMIK ATUISARNISSAQ?

Suliffeqarfeeqqami sap. ak. 2-3 tiiminik, venturepilotitut atuisarnissat naatsorsuutigissavat. Sapaatip akunnerani ullormi aalajangersimasumi nal. 16:00 kingorna, nukappiaqqanik suleqateqartarneq pisassaaq. Piffissap sinnera – qanimut suleqatigisatit venturepilotit 6-8 aamma inuussutissarsiornermi siunnersortit peqatigalugit atussavat – tassa suliffeqarfeeqqami sulineq pillugu ataqatigiissaarinermut piareersarnermullu.

Ilaatigullu piffissamik atuinerunissaq pisariaqartarsinnaavoq – soorlu sanaamik saqqummiussinermut imaluunniit pisoqartitsinermut.

MIND YOUR OWN BUSINESS SUNAAVA?

Aallarnisaaneq pingaarutilittut qitiutillugu Mind Your Own Businessip Nuummi nukappiaqqat 13-niit 21-nut ukiullit aamma Danmarkimi najungaqarfinni uloriarnartorsiorfiusuniittut 13-niit 19-nut ukiullit atorfinitsittarpai. Inuinnaat akornannit piumassutsiminnik suliaqartut venturepilotit inuussutissarsiornerullu iluani, inuussutissarsiortut suleqatigisavut suleqatigalugit, nukappiaqqat namminneq suliffeqarfeeraatissaminnik aallartitsinissaannik periarfissittarpavut.

Nukappiaqqat sulinerminni, suliamut aamma inuttut inooqatigiinnikkullu piginnaasaminnik nukittorsaasarput, ilinniartitaanermilu aaqqissuussinermut suliffeqarfeqarnermullu atassuteqarnerat aamma nukittunerulersarpoq. 2010-miilli nukappiaqqat 513-it Danmarkimi suliffeqarfeeqqanik 52-nik aallartitsisussat atorfinitsissimavavut.

Januarimi Nuummi allaffipput ammarpoq, majillu tungaanut misiliinermik ingerlatsisimalluta. Tassanilu nukappiaqqat inuusutut siullerpaat suliffeqarfeeraatitaarput, nerisassanik tuniniaaviutitaarlutik.

Nuummi piumassutsimik sulilluni venturepilotiuneq paasisaqarfiginerulerusuppiuk? Projektleder Ivalu Nørreslet Rex allaffigiuk: ivalu.rex@myob.dk